XXVIII

Eu son galego.
Aínda que o meu DNI asegura que son español.
Pero España pertence á Unión Europea.
Moita xente di que todos somos cidadáns do mesmo planeta, pero seguen existindo países, fronteiras, e colgados coma Trump querendo convertilas nun campo de tiro.
Pero que pasa co mar? O mar non é dos humanos, non está na nosa natureza vivir nel. Pode que teñamos barcos que surcan o mar, e que os árabes se enchan a illas artificiais cos seus petrodólares, pero é ben sabido entre os que somos da costa, que o mar é superior a nós.
E o aire igual, o aire non é de ningún ser humano, non existen putos muros no aire. Só podes ser libre se voas (ou xa postos se estás orbitando a Terra, pero non perdamos a cabeza). Se voas non necesitas DNI, nin unha bandeira que (non) che represente.
Creo que por eso se di que hai que deixar voar a imaxinación, porque sólo na nosa mente somos realmente libres.